केहीबेरअघि सामाजिक सञ्जालमार्फत ओबामाले मध्यावधि निर्वाचनमा अमेरिकी जनताले ‘मानिसहरूलाई विभाजित गर्नुको सट्टा एकताबद्ध गर्ने र उनीहरूले सामना गरिरहेका चुनौतीका लागि ठोस समाधान प्रस्तुत गर्न सक्ने नेताहरू चाहन्छन्’ भन्ने स्पष्ट सन्देश दिएको उल्लेख गरेका छन्।
‘यो नतिजा तब मात्र सम्भव भयो, जब देशका हरेक क्षेत्रमा, पहिले जित्ने सम्भावना निकै कम मानिएका ठाउँहरूमा समेत उत्कृष्ट उम्मेदवारहरू अघि सरे। उनीहरू विभिन्न पृष्ठभूमिबाट आएका थिए र उनीहरूका राजनीतिक दृष्टिकोण पनि फरक–फरक थिए। तर उनीहरू साझा मूल्यमान्यता, जनसेवाप्रतिको विश्वास र आफ्ना निर्वाचन क्षेत्र तथा राज्यका जनतालाई प्राथमिकतामा राख्ने प्रतिबद्धताका साथ एकताबद्ध थिए,’ ओबामाले बताएका छन्।
यद्यपि वर्तमान प्रशासनको कार्यकाल अझै दुई वर्ष बाँकी रहेको भन्दै उनले आफ्नो अधिकार क्षेत्रभित्र रहेर आवश्यक परिवर्तन गर्ने, थप क्षति हुनबाट रोक्ने र भविष्यका लागि बलियो आधार तयार पार्ने आफ्नो जिम्मेवारी रहेको उल्लेख गरेका छन्।
मंगलबार भएको मध्यावधि निर्वाचनमा डेमोक्र्याटहरूले सिनेटमा ५६ स्थान र हाउस अफ रिप्रेजेन्टेटिभमा २६० सिट जित्ने प्रक्षेपण गरिएको छ। सिनेटमा डेमोक्र्याटहरूले ५१ सिट जितिसकेका छन्।