रसुवाको भोटेकोशीमा १० भदौमा आएको विनाशकारी बाढीमा परी बेपत्ता भएकाहरूका आफन्तले कुशको शव बनाएर दाहसंस्कार गरेका छन् ।
बाढीमा परी सम्पर्कविहीन भएको लामो समय बितिसक्दा पनि सम्पर्कमा नआएको र शवसमेत फेला नपरेपछि आफन्तहरूले कुशको शव बनाएर सामूहिक रूपमा दाहसंस्कार गरेका हुन् ।
बेपत्ता भएकाहरूका आफन्तले शुक्रबार पशुपति आर्यघाटमा कुशको शवको प्रतिमा बनाएर अन्तिम संस्कार गरेका छन् । पशुपति क्षेत्र विकास कोषले निःशुल्क रूपमा दाहसंस्कार गर्ने व्यवस्था मिलाएको छ ।
रसुवा बाढीमा मृत्यु भएका १ हजार २ सय ५९ जनाको शव फेला परेको छ । अझै ५ हजारभन्दा बढी नागरिक सम्पर्कविहीन छन् । अहिलेसम्म ९३ शवको मात्र सनाखत हुन सकेको छ ।
सरकारले बाढी प्रभावित रसुवा, नुवाकोट, धादिङ, गोरखा, चितवनलगायतका जिल्लामा खोज तथा उद्धार कार्य जारी राखेको छ ।