प्रतिपक्षी दल नेपाल कम्युनिस्ट पार्टी (एमाले) को केन्द्रीय कमिटी बैठकको दोस्रो दिनको सत्र सुरु भएको छ।
ललितपुरस्थित एक होटलमा जारी बैठकमा अध्यक्षद्वारा प्रस्तुत राजनीतिक प्रतिवेदनमाथि केन्द्रीय सदस्यहरूले समूहगत छलफल गरिरहेका छन्। आज केन्द्रीय सदस्यहरूले धारणा राख्ने क्रम सुरु भएको छ। प्रत्येक केन्द्रीय सदस्यलाई तीन मिनेटको समयसीमा दिइएको छ।
सोमबार पार्टी अध्यक्षले प्रस्तुत गरेको प्रतिवेदनउपर नेताहरूले आ–आफ्नो धारणा राख्नेछन्। सदस्यहरूले मुलुकको पछिल्लो राजनीतिक परिस्थितिबारे पनि धारणा राख्नेछन्। बैठक बुधवारसम्म चल्ने बताइएको छ।
