प्रतिनिधि सभाको मंगलबारको बैठकले राष्ट्रिय क्षेत्राधिकारभन्दा बाहिरका क्षेत्रको सामुद्रिक जैविक विविधताको संरक्षण र दिगो प्रयोगसम्बन्धी संयुक्त राष्ट्र संघीय सम्झौता सर्वसम्मतिले अनुमोदन गरेको छ।
कानून, न्याय तथा संसदीय मामिलामन्त्री सोविता गौतमले सदनमा उक्त सम्झौता अनुमोदनका लागि प्रस्ताव प्रस्तुत गरेकी थिइन्। प्रस्ताव प्रस्तुत गर्दै मन्त्री गौतमले यस सम्झौताले सामुद्रिक पर्यावरणको सुरक्षा र स्रोतको न्यायोचित प्रयोगमा सघाउ पुग्ने विश्वास व्यक्त गरिन्।
प्रस्ताव पेस भएसँगै सभामुखले निर्णयार्थ सदनमा पेस गरेका थिए। सदनमा उपस्थित सांसदहरूले प्रस्तावको पक्षमा समर्थन जनाएपछि सभामुख डोलप्रसाद अर्यालले उक्त सम्झौता सर्वसम्मतिले पारित भएको घोषणा गरे।
नेपालले यसअघि नै संयुक्त राष्ट्र संघीय सामुद्रिक कानूनसम्बन्धी महासन्धिको पक्ष राष्ट्रका रूपमा काम गर्दै आएको छ।