नेकपा एमालेका अध्यक्ष केपी शर्मा ओलीले कोशी, मधेस, बागमती र राजधानी प्रदेशमा रहेका पार्टीका नेता तथा सचिवालय सदस्यहरूसँग मंगलबार भर्चुअल माध्यमबाट संवाद गरेका छन्।
एमाले केन्द्रीय कार्यालयबाट गरिएको छलफलमा ओलीले हालै सम्पन्न केन्द्रीय कमिटी बैठकले तय गरेका राजनीतिक तथा सांगठनिक प्राथमिकतालाई प्रभावकारी रूपमा कार्यान्वयन गर्न प्रदेश नेतृत्वलाई आग्रह गरेका छन्।
आगामी स्थानीय तहको निर्वाचनलाई लक्षित गर्दै पार्टी संगठनलाई थप व्यवस्थित र एकताबद्ध बनाउनुपर्नेमा उनले जोड दिएको बताइएको छ। केन्द्रीय कमिटीले निर्धारण गरेका तत्कालीन जिम्मेवारीअनुसार पार्टीका विभिन्न तहलाई परिचालन गर्नुपर्ने उनको भनाइ थियो।
सम्बोधनका क्रममा ओलीले नेपालको संविधान र लोकतान्त्रिक व्यवस्थामाथि चुनौती उत्पन्न भएको दाबी गर्दै त्यसको संरक्षणका लागि पार्टीले आवश्यक भूमिका निर्वाह गर्ने बताएका छन्।
एमाले प्रचार तथा प्रकाशन विभागका प्रमुख निरज आचार्यका अनुसार ओलीले बुधबार गण्डकी, लुम्बिनी, कर्णाली र सुदूरपश्चिम प्रदेशका पार्टी नेताहरूसँग पनि भर्चुअल संवाद गर्ने कार्यक्रम छ।