काठमाडौं । राष्ट्रिय स्वतन्त्र पार्टी (रास्वपा)ले केन्द्रीय समितिको बैठक आगामी १७ असोजमा बोलाएको छ।
पार्टीका महामन्त्री विपिनकुमार आचार्यका अनुसार बैठक काठमाडौंको वनस्थली–चमतीस्थित घण्टीघरमा दिउँसो ३ बजे सुरु हुनेछ।
बैठकमा सहभागी हुन पार्टीका सबै केन्द्रीय समिति सदस्यलाई उपस्थितिका लागि जानकारी गराइएको छ।
यद्यपि, बैठकमा छलफल हुने विषय तथा प्रस्तावित एजेन्डाबारे पार्टीले अहिलेसम्म औपचारिक रूपमा जानकारी सार्वजनिक गरेको छैन।
केन्द्रीय समितिको बैठकमा पार्टीका आगामी गतिविधि, संगठनात्मक विषय तथा समसामयिक राजनीतिक परिस्थितिबारे छलफल हुन सक्ने भए पनि त्यसबारे औपचारिक एजेन्डा भने सार्वजनिक भएको छैन।