काठमाडौं, २८ असोज । सत्तारूढ राष्ट्रिय स्वतन्त्र पार्टी (रास्वपा) ले पार्टी केन्द्रीय कार्यालयका लागि घरजग्गा खरिद गर्न प्रस्ताव माग गरेको छ।
पार्टीको बढ्दो सांगठनिक आवश्यकता र दीर्घकालीन संस्थागत स्थायित्वका लागि हालको अस्थायी व्यवस्थापनलाई प्रतिस्थापन गरी केन्द्रीय कार्यालय आफ्नै स्वामित्वको स्थायी संरचनामा स्थानान्तरण गर्ने असोज १७ गतेको केन्द्रीय समितिको निर्णयअनुसार घरजग्गा खरिद गर्न लागिएको रास्वपाले जनाएको छ।
आवागमनका दृष्टिले सहज, पर्याप्त भौतिक पूर्वाधार भएको र कार्यालय सञ्चालनका लागि उपयुक्त वातावरण भएको घर वा पूर्वाधार निर्माण गर्न पुग्ने जग्गा आवश्यक रहेको पार्टीले जनाएको छ।
रास्वपाले इच्छुक घरधनी तथा जग्गाधनीलाई सूचना प्रकाशित भएको मितिले २१ दिनभित्र निर्धारित सर्त तथा मापदण्ड पूरा गरी प्रस्ताव पेस गर्न आह्वान गरेको छ।