टस हारेर पहिले ब्याटिङ गरेको चितवनले निर्धारित २० ओभरमा तीन विकेटको क्षतिमा १५७ रन बनाएको थियो। तर, १५८ रनको विजयी लक्ष्य पछ्याएको विराटनगर किंग्सलाई १४९ रनमा अलआउट गर्दै चितवनले आठ रनको जित हासिल गरेको छ।
आजको खेलमा नेपाली राष्ट्रिय क्रिकेट टोलीका कप्तानसमेत रहेका सन्दीप लामिछानेले बलिङमा कुनै चमत्कार देखाउन सकेनन्। वेस्ट इन्डिजका आन्द्रे रसेलले १७ बलमा ३२ रन बनाएर इनिङ्स उकासे पनि चितवन राइनोजका बलर हाबी हुँदा विराटनगरले जितनजिक पुगेको खेल हार्न पुगेको छ।