काठमाडौं । नेपाली कांग्रेसको १५औँ महाधिवेशनबाट निर्वाचित पदाधिकारी तथा केन्द्रीय सदस्यहरूले पद तथा गोपनीयताको शपथ लिएका छन्।
पार्टीको केन्द्रीय कार्यालय सानेपामा आयोजित कार्यक्रममा सभापति गगन थापाले नवनिर्वाचित पदाधिकारी र केन्द्रीय सदस्यहरूलाई शपथ गराएका हुन्।
सभापति थापाले यसअघि नै असोज ३१ गते पद तथा गोपनीयताको शपथ लिइसकेका थिए।
नेपाली कांग्रेसको १५औँ महाधिवेशनअन्तर्गत असोज १८ देखि २३ गतेसम्म काठमाडौंमा निर्वाचन प्रक्रिया सञ्चालन भएको थियो। निर्वाचनको अन्तिम नतिजा असोज ३० गते औपचारिक रूपमा सार्वजनिक गरिएको थियो।
शपथ ग्रहण कार्यक्रम सम्पन्न भएपछि नवनिर्वाचित केन्द्रीय कार्यसमितिको पहिलो बैठक पनि आजै बस्ने तय भएको छ। बैठकमा पार्टीको आगामी कार्यदिशा र संगठनात्मक गतिविधिका विषयमा छलफल हुने अपेक्षा गरिएको छ।
