महोत्सवको शुभारम्भ देव संस्कृति विश्वविद्यालयका छात्राहरूले प्रस्तुत गरेको आकर्षक सामूहिक नृत्यबाट गरिएको थियो। ‘अब नवयुगकी गंगोत्री से बही ज्ञान की धारा है’ र ‘लागी रे लगन ओ माँ की’ लगायतका भक्ति गीतमा प्रस्तुत नृत्यले कार्यक्रममा उपस्थित दर्शकहरूको मन जितेको थियो। नृत्यमार्फत गुरुदेव पण्डित श्रीराम शर्मा आचार्य र माताजीका आदर्श, त्याग तथा युग निर्माणको सन्देश प्रस्तुत गरिएको थियो।
कार्यक्रमको दोस्रो सत्रलाई सम्बोधन गर्दै भारतका केन्द्रीय स्वास्थ्य तथा परिवार कल्याणमन्त्री जगत प्रकाश नड्डाले आत्मपरिवर्तनलाई राष्ट्र निर्माणको आधारशिला बताएका छन्।