१९ कात्तिक, काठमाडौं । नेपाल धितोपत्र बोर्डले कान्तिपुर फर्मास्युटिकल्स कम्पनीलाई प्राथमिक सेयर (आईपीओ) निष्कासन गर्न अनुमति दिएको छ। लामो समयपछि बोर्डबाट अर्को कम्पनीले आईपीओ जारी गर्ने स्वीकृति पाएको हो।
बोर्डको अनुमतिअनुसार कम्पनीले कुल ८० लाख कित्ता सेयर निष्कासन गर्नेछ। प्रतिकित्ता १०० रुपैयाँ अंकित मूल्य निर्धारण गरिएको छ।
कम्पनीले निष्कासन गर्ने कुल सेयरमध्ये १७ लाख कित्ता सर्वसाधारणका लागि छुट्याइएको छ। बाँकी ६३ लाख कित्ता सेयर संस्थापक समूहको हुनेछ।
कम्पनीको आईपीओ निष्कासन तथा बिक्री व्यवस्थापनको जिम्मेवारी मुक्तिनाथ क्यापिटलले पाएको छ।