पटिहानीस्थित टाइगरल्यान्ड रिसोर्टबाट निकुञ्जमा जंगल सफारीका लागि पुगेका बेलायती पर्यटक क्रिस्टोफर जोन्सले उक्त दृश्य खिचेका हुन्।
जंगल सफारीका क्रममा उनले बाघले गौरलाई आक्रमण गरिरहेको रोमाञ्चक क्षणलाई क्यामेरामा कैद गर्न सफल भएका हुन्। वन्यजन्तुको प्राकृतिक बासस्थानमा देखिएको यस दृश्यले निकुञ्जभित्रको वन्यजन्तु जीवन र आहाराका लागि हुने प्राकृतिक संघर्षलाई उजागर गरेको छ।