एनपीएलको तेस्रो संस्करणका लागि गगन थापाको शुभकामना, नेपाली क्रिकेटको संघर्ष सम्झिए
काठमाडौं । नेपाली कांग्रेसका सभापति गगन थापाले नेपाल प्रिमियर लिग (एनपीएल) को तेस्रो संस्करण सफल होस् भन्दै खेलाडी, सहभागी टोली तथा क्रिकेटसँग आबद्ध सबैलाई शुभकामना दिएका छन्।
सामाजिक सञ्जालमार्फत आफ्नो धारणा सार्वजनिक गर्दै थापाले नेपाली क्रिकेटले अहिलेको स्थान हासिल गर्न लामो समयको मेहनत, संघर्ष र समर्पण पार गरेको उल्लेख गरेका छन्।
उनले प्रतियोगितामा सहभागी खेलाडी र टोलीसँगै नेपाल क्रिकेट संघ तथा क्रिकेटप्रेमीलाई पनि शुभकामना दिएका छन्। नेपाली क्रिकेटको विकासमा विभिन्न समयमा योगदान पुर्याउने खेलाडी, प्रशिक्षक र समर्थकको भूमिकालाई उनले महत्त्वपूर्ण मानेका छन्।
सीमित स्रोतसाधन र अनेक चुनौतीका बाबजुद नेपाली क्रिकेटलाई अगाडि बढाउन योगदान गर्ने सबैको प्रयास स्मरणीय रहेको उनको भनाइ छ।
एनपीएलको नयाँ संस्करणले नेपाली क्रिकेटलाई थप उचाइमा पुर्याउन, खेलाडीको क्षमता अभिवृद्धि गर्न र क्रिकेटप्रति जनताको आकर्षण बढाउन सहयोग पुग्ने अपेक्षासहित थापाले प्रतियोगिताको सफलताको कामना गरेका छन्।