असोजमा सम्पन्न महाधिवेशनबाट कांग्रेस सभापतिमा गगन थापा निर्वाचित भएका थिए। कांग्रेसका पदाधिकारी २० सहित २६२ केन्द्रीय कार्यसमितिका सदस्यहरूको नाम अद्यावधिक गर्न महामन्त्री पौडेल निर्वाचन आयोग पुगेका हुन्।
गत पुस अन्तिम साता आयोजित कांग्रेसको विशेष महाधिवेशनले गगन थापालाई नै सभापतिमा निर्वाचित गरेको थियो। पार्टीको १५औँ नियमित महाधिवेशनबाट पनि थापा नै सभापति निर्वाचित भएका छन्।
कांग्रेसको आधिकारिकता विवाद अहिले पनि सर्वोच्च अदालतमा विचाराधीन छ। सर्वोच्च अदालतले कांग्रेसको आधिकारिकतासम्बन्धी विषयमा पुनरावलोकन गर्न दिएको आदेशकै कारण अहिले पूर्वसभापति शेरबहादुर देउवा समूहले समानान्तर महाधिवेशन गर्ने आधार पाएको छ। देउवा पक्षले मंसिर तेस्रो साता महाधिवेशन गर्ने जनाएको छ।