त्यस्तै, वाटर रिमाइन्डरले निश्चित समयमा पानी पिउन सम्झाउनेछ भने वर्ल्ड क्लकमार्फत विभिन्न देश तथा सहरको स्थानीय समय थाहा पाउन सकिनेछ। शरीरको उचाइ र तौलका आधारमा बीएमआई गणना गर्न मिल्ने सुविधा पनि थपिएको छ।
स्वास्थ्य क्षेत्रअन्तर्गत प्रयोगकर्ताले अस्पतालमा उपलब्ध खाली बेडको अवस्था तथा अस्पतालअनुसार ब्लड बैंकको विवरण हेर्न सक्नेछन्।
सरकारी सेवा तथा रोजगारीसम्बन्धी जानकारी खोज्नेहरूका लागि लोकसेवा आयोगका सूचना र टेन्डरसम्बन्धी विवरण पनि एपमा समावेश गरिएको छ।
यात्रा गर्ने तथा सवारीसाधन प्रयोग गर्ने व्यक्तिलाई लक्षित गरी पेट्रोल र डिजेलको मूल्य हेर्न सकिने सुविधा थपिएको छ। यसका साथै ट्रिप क्याल्कुलेटरमार्फत यात्राको दूरी र सवारीसाधनको इन्धन खपतका आधारमा सम्भावित खर्च अनुमान गर्न सकिनेछ।
नयाँ संस्करणमा तरकारीको मूल्य र जिल्लाअनुसार मौसमको जानकारीसमेत उपलब्ध गराइएको छ।
नेपा एपमा यसअघि नै नेपाली पात्रो, राष्ट्रिय तथा जिल्लागत समाचार, रेडियो, दैनिक राशिफल, सुनको मूल्य, विदेशी मुद्रा विनिमय दर, डकुमेन्ट स्क्यानर, नोट तथा रिमाइन्डरजस्ता सुविधा उपलब्ध थिए।
त्यसैगरी सामान्य क्याल्कुलेटर, कर तथा ईएमआई क्याल्कुलेटर, जीपीएस लोकेसन सेयरिङ र इन्टरनेट स्पिड मिटरलगायतका सेवा पनि एपमा समावेश छन्।
नयाँ अपडेटसँगै दैनिक जीवनमा आवश्यक पर्ने विभिन्न डिजिटल सेवा एउटै एपबाट प्रयोग गर्न सकिने सुविधा विस्तार भएको छ।
नेपा एप एन्ड्रोइड प्रयोगकर्ताले गुगल प्ले स्टोरबाट डाउनलोड गर्न सक्नेछन्।