काठमाडौँ । नेपाली सेनाले रसुवास्थित चिलिमे जलविद्युत् आयोजनाको सुरुङभित्र जारी उद्धार कार्यमा सहयोग गर्न पूर्वऊर्जामन्त्री कुलमान घिसिङलाई बोलाएको छ।
सुरुङभित्र उद्धारका लागि पुगेको विदेशी विज्ञसहितको टोलीलाई पावर हाउससम्म पुग्न आवश्यक प्राविधिक समन्वय तथा सुझाव उपलब्ध गराउन सेनाले घिसिङको सहयोग मागेको हो।
सेनाको आग्रहपछि घिसिङ चिलिमे जलविद्युत् आयोजनाको सवारीसाधनमार्फत घटनास्थलतर्फ प्रस्थान गरेको उनका सचिवालयले बुधबार जनाएको छ।
भदौ १० गते भोटेकोशी हुँदै त्रिशूली नदीमा आएको भीषण बाढीपछि रसुवा र नुवाकोटका विभिन्न जलविद्युत् आयोजनामा उद्धार तथा खोजी कार्य जारी छ। तीमध्ये नौ आयोजनामध्ये सातवटामा उद्धारको काम भइरहेको जनाइएको छ।
बाढीपछि सुरुङ तथा पावर हाउस क्षेत्रमा फसेका व्यक्तिको खोजी र उद्धारका लागि नेपाली सेनासहित विदेशी प्राविधिक टोलीसमेत परिचालन गरिएको छ।
उक्त बाढीमा परी हालसम्म १ हजार ३६७ जनाको मृत्यु भएको र चार हजारभन्दा बढी बेपत्ता रहेको विवरण सार्वजनिक गरिएको छ।