काठमाडौं, २७ असोज । बंगलादेशका पूर्व अन्तरिम सरकार प्रमुख तथा नोबेल पुरस्कार विजेता मुहम्मद युनुसले अमेरिकामा विरोध प्रदर्शनको सामना गर्नुपरेको छ।
न्यूयोर्कको जोन एफ केनेडी विमानस्थलमा सामाजिक सञ्जालमा प्रसारित भिडियोहरूमा केही बंगलादेशी प्रवासीहरूले उनलाई घेरेर नाराबाजी गर्दै आतंकवादी भनेका छन्।
प्रदर्शनकारीहरूले उनलाई आतंकवादी भन्दै फिर्ता जान भनेका थिए। साथै, बंगलादेशमा हजारौँ मानिसहरूको मृत्युका लागि जिम्मेवार भएको आरोप लगाएका छन्।
प्रदर्शनकारीहरूले युनुसलाई सामूहिक गिरफ्तारी गर्ने र लोकतन्त्रलाई कमजोर पार्ने आरोप पनि लगाएका छन्। भिडियोमा युनुसलाई ह्वीलचेयरमा राखेर लगिएको देखिन्छ।
रिपोर्टका अनुसार सुरक्षाको कारणले गर्दा उनलाई तुरुन्तै विमानस्थलबाट बाहिर निकालिएको थियो। घटनाबारे युनुस वा उनका प्रतिनिधिहरूबाट तत्काल कुनै टिप्पणी आएको छैन।
तीन वर्षअघि बंगलादेशमा जेनजी आन्दोलनपछि शेख हसिना जावेद नेतृत्वको सरकार अपदस्थ भएपछि युनुस अन्तरिम सरकारका प्रमुख बनेका थिए। उनको कार्यकालमा हजारौँ बंगलादेशी मारिएको आरोप लगाइएको छ।