काठमाडौं । अष्ट्रेलियाले बाढीबाट प्रभावित नेपालका समुदायलाई सहयोग गर्न मानवीय सहायता, आवश्यक उपकरण र जनशक्ति पठाउने भएको छ।
अष्ट्रेलियन एयर फोर्सको विमान मानवीय सहायता सामग्री, आवश्यक उपकरण तथा जनशक्ति लिएर नेपालतर्फ प्रस्थान गर्न लागेको हो।
अष्ट्रेलियाले नेपालमा आएको विनाशकारी बाढीका कारण प्रभावित समुदायलाई आवश्यक सहयोग पुर्याउन नेपाल सरकारसँग समन्वय गरी काम गरिरहेको जनाएको छ।
नेपालमा अझै बेपत्ता रहेका अष्ट्रेलियाली नागरिकका परिवार तथा आफन्तप्रति समेत अष्ट्रेलियाले समवेदना व्यक्त गरेको छ।