काठमाडौं । चीनको दक्षिण–पश्चिम सिजाङ (तिब्बत) स्वायत्त क्षेत्रस्थित नेपाल–चीन सीमा नाका जिरोङ (केरुङ) मा गएको पहिरोमा परी तीन जनाको मृत्यु भएको छ भने ५ सय ५८ जना अझै बेपत्ता छन्।
स्थानीय अधिकारीहरूले बिहीबार बिहान सार्वजनिक गरेको पछिल्लो विवरणअनुसार पहिरोमा परेका दुई जना स्थानीय बासिन्दाको भने सकुशल उद्धार गरिएको छ।
जिरोङ काउन्टीस्थित सीमा नाकामा बुधबार बिहान पहिरो गएको थियो। आधिकारिक जानकारीअनुसार पहिरो नेपाली भू–भागबाट सुरु भई सीमावर्ती नाका क्षेत्रमा पुगेको थियो।
बिहीबार बिहान ८ बजे आयोजित पत्रकार सम्मेलनमा स्थानीय अधिकारीहरूले घटनाबारे जानकारी दिँदै बेपत्ता भएकाहरूको खोजी तथा उद्धार कार्य जारी रहेको बताएका छन्।
नेपालसँगको व्यापारिक कारोबारका दृष्टिले जिरोङ काउन्टी महत्वपूर्ण सीमा क्षेत्र मानिन्छ। पहिरोका कारण सीमा क्षेत्रमा आवतजावत तथा व्यापारिक गतिविधिमा समेत असर परेको जनाइएको छ।
सिन्ह्वाको सहयोगमा न्युज एजेन्सी नेपाल