१० भदौमा रसुवाको भोटेकोशीमा आएको भीषण बाढीबारे प्रतिनिधिसभाले विशेष प्रस्ताव पारित गरेको छ।
सभाको बुधवारको बैठकले उक्त प्रस्ताव सर्वसम्मतिले पारित गरेको हो। उक्त बाढीले रसुवाको टिमुरे, स्याफ्रुबेंसी, बेत्रावती, नुवाकोटको त्रिशूली बजार र देवीघाटलगायत धादिङ, चितवन र गोरखा जिल्लाका त्रिशूली नदी तटीय क्षेत्रमा ठूलो धनजनको क्षति गरेको थियो।
उक्त प्रस्ताव प्रस्तुत गर्नुअघि सभामुख डिपी अर्यालले विपद्पछिको खोज, उद्धार तथा राहत वितरण प्रक्रियालाई प्रभावकारी बनाउन सरकारको ध्यानाकर्षण गराए।