प्रतिनिधि सभाबाट सन्देशसहित प्राप्त नेपाल विशेष सेवा ऐन, २०४२ को साविकको व्यवस्था जगाउनेसम्बन्धी विधेयक, २०८३ राष्ट्रिय सभाबाट सर्वसम्मतिले पारित भएको छ ।
बिहीवारको सभाको बैठकले उक्त विधेयक पारित गरेको हो । अध्यक्ष नारायणप्रसाद दाहालले सदनको बैठकमा निर्णयार्थ प्रस्तुत गर्दै विधेयक पारित भएको घोषणा गरेका हुन् । यसअघि विधेयकमाथि सैद्धान्तिक छलफल भएको थियो ।
छलफलमा उठेका प्रश्नको जवाफ दिँदै कानून, न्याय तथा संसदीय मामिलामन्त्री सोविता गौतमले कानुनी रिक्तता हटाउन उक्त विधेयक ल्याइएको बताइन् । उनले अनुसन्धान गर्ने निकाय कुनै एकै स्थानको मात्र विषय नभई सबै खालका सूचना प्रधानमन्त्रीसमक्ष पुग्दा राम्रो हुने सरकारको धारणा रहेको पनि बताइन् ।