बढ्ने मौसमविद्हरूले बताएका छन्। यो प्रणालीको प्रभावले बिहीबारदेखि नै मौसम प्रभावित हुने भए पनि विशेष गरी आगामी दिनहरूमा मुख्य जोखिम रहने पूर्वानुमान गरिएको छ। मौसमविद् मदन सिग्देलका अनुसार यो प्रणाली उत्तर प्रदेश, बिहार वा गोरखपुर आसपास हुँदै अघि बढेमा बागमती, गण्डकी र लुम्बिनी प्रदेशमा बढी असर पर्नेछ। मौसम विज्ञान विभागले पनि लुम्बिनी र गण्डकीमा उच्च प्रभाव, उच्च हिमाली क्षेत्रमा हिमआँधी तथा देशभर बाढी, पहिरो र डुबानको जोखिम रहेको चेतावनी दिएको छ।
काठमाडौंमा पर्ने सक्ने असर:
काठमाडौं तीव्र सहरीकरण भएको, खोलानाला साँघुरिएका र पानीको उचित निकास नभएको क्षेत्र भएकाले यहाँ थोरै पानी पर्दा पनि ठूलो जोखिम निम्तिन सक्छ। विशेषज्ञहरूका अनुसार काठमाडौं उपत्यकामा लगातार ५० देखि ८० मिलिमिटर मात्र वर्षा भए पनि डुबानको समस्या आउन सक्छ। त्यसैले विगतका घटनाबाट पाठ सिकेर सम्भावित बाढी र डुबानको जोखिमबाट जोगिन आवश्यक पूर्वतयारी अपनाउनुपर्नेमा जोड दिइएको छ।