बुटवल । पूर्वराष्ट्रपति विद्यादेवी भण्डारी रुपन्देही पुगेकी छन्। बुटवल आइपुगेकी भण्डारीलाई लुम्बिनी प्रदेशका मुख्यमन्त्री चेतनारायण आचार्यले स्वागत गरेका छन्।
मदन भण्डारी फाउन्डेसनको आयोजनामा बुटवलमा सञ्चालन भइरहेको दोस्रो संस्करणको ‘मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगिता–२०८३’ उद्घाटन गर्न भण्डारी मंगलबार बुटवल पुगेकी हुन्।
भण्डारीलाई नेकपा (एमाले)ले पार्टीको वरिष्ठ नेताका रूपमा मनोनयन गरेपछि उनी पहिलोपटक रुपन्देही पुगेकी हुन्। उनको आगमनको अवसरमा एमाले रुपन्देही जिल्ला कमिटीले स्वागत तथा सम्मान कार्यक्रम पनि आयोजना गरेको थियो।
स्वागत कार्यक्रममा एमालेका प्रदेश तथा जिल्ला तहका नेता, जनप्रतिनिधि र कार्यकर्ताको सहभागिता रहेको थियो।
भण्डारीले मंगलबार बुटवलमा आयोजित पुरुष भलिबल प्रतियोगिताको औपचारिक उद्घाटन गर्ने कार्यक्रम रहेको आयोजकले जनाएको छ।
प्रतियोगितामा सहभागी टोली तथा खेलाडीहरूको उपस्थितिबीच प्रतियोगिता अघि बढ्ने बताइएको छ।