काठमाडौं, १२ कात्तिक । नेपाल प्रिमियर लिग (एनपिएल) को तेस्रो सिजनमा आफ्नो पहिलो खेल खेलिरहेको काठमाडौं गोर्खाजले टस जितेर पहिले ब्याटिङ गर्ने निर्णय गरेको छ।
बिहीबार त्रिवि क्रिकेट मैदानमा भएको टसमा काठमाडौंका कप्तान करण केसीले टस जित्दै ब्याटिङ रोजेका हुन्।
हर्मित सिंहको कप्तानीमा रहेको जनकपुरले पहिले बलिङ गर्नेछ। करण केसीको कप्तानीमा मैदान उत्रिएको काठमाडौंले टोलीमा चार विदेशी खेलाडी समावेश गरेको छ।
जनकपुर पनि प्रतियोगितामा पहिलो जितको खोजीमा छ। यसअघि आफ्नो पहिलो खेलमा जनकपुर कर्णाली याक्ससँग १९ रनले पराजित भएको थियो। आजको खेलमा जनकपुरले जेम्स निसमलाई विश्राम दिएको छ।