नार्कले सूचना जारी गर्दै सम्बन्धित कार्यालयहरूलाई यस्तो निर्देशन दिएको हो। बुधबार बसेको नार्क व्यवस्थापन बैठकको निर्णयअनुसार आवश्यक प्रक्रिया अघि बढाउन परिपत्र जारी गरिएको जनाइएको छ।
निर्देशनअनुसार खुमलटारस्थित कार्यालयमा रहेका कर्मचारी आवासगृह प्रयोग गर्ने कर्मचारीको नाम, पद वा तहसहितको पूर्ण विवरण तीन दिनभित्र केन्द्रीय कार्यालयमा बुझाउनुपर्नेछ।
त्यस्तै, प्राप्त विवरण तथा अनुगमनका क्रममा कुनै आवासगृह अनधिकृत रूपमा प्रयोग भइरहेको पाइएमा त्यस्ता आवासगृह ३५ दिनभित्र अनिवार्य रूपमा खाली गराउन नार्कले सम्बन्धित कार्यालयलाई निर्देशन दिएको छ।
व्यवस्थापन बैठकको निर्णय कार्यान्वयन गर्न र आवश्यक कारबाही प्रक्रिया अघि बढाउन परिपत्र जारी गरिएको नार्कले जनाएको छ। उक्त परिपत्रको बोधार्थ कृषि, वन तथा पर्यावरणमन्त्री एवं नार्ककी अध्यक्ष गीता चौधरीलाई समेत दिइएको छ।