काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले सभामुख डोलप्रसाद अर्यालसँग सिंहदरबारस्थित उनको कार्यकक्षमा भेट गरेका छन्। सभामुखको सचिवालयका अनुसार उनीहरूबीच करिब २० मिनेट अनौपचारिक कुराकानी भएको थियो।
१२ कात्तिकमा सभामुख अर्याललाई भेट्न सिंहदरबार पुगेका लामिछाने केही समयको छलफलपछि फर्किएका हुन्। भेटमा के–कस्ता विषयमा कुराकानी भयो भन्नेबारे भने औपचारिक विवरण सार्वजनिक भएको छैन।
सभामुखसँगको भेटअघि लामिछानेले प्रधानमन्त्री वालेन्द्र शाह (बालेन) सँग पनि छलफल गरेका थिए। बुधबार भएको उक्त भेट करिब चार घण्टा चलेको थियो।
प्रधानमन्त्रीसँग लामो छलफल गरेको भोलिपल्ट सभामुखसँग भेट गर्न लामिछाने सिंहदरबार पुगेका हुन्। पछिल्ला भेटघाटका विषयमा सम्बन्धित पक्षबाट थप जानकारी आउन बाँकी छ।