काठमाडौं, २२ असोज । नेकपा एमालेको स्थायी कमिटी बैठक बिहीबार दिउँसो साढे १ बजे पार्टी कार्यालय च्यासलमा सुरु भएको छ।
पार्टी अध्यक्ष केपी शर्मा ओलीको अध्यक्षतामा बसेको बैठकमा पूर्वराष्ट्रपति विद्यादेवी भण्डारी पनि सहभागी भएकी छन्।
एमालेको केन्द्रीय कमिटी बैठकले हालै भण्डारीलाई वरिष्ठ नेतामा मनोनीत गरेको थियो। वरिष्ठ नेताको हैसियतमा उनी स्थायी कमिटी बैठकमा सहभागी भएको यो पहिलोपटक हो।
राष्ट्रपति बन्नुअघि भण्डारी एमालेकी उपाध्यक्ष थिइन्। राष्ट्रपतिको जिम्मेवारी सम्हालेपछि पार्टी राजनीतिबाट अलग भएकी उनी करिब ११ वर्षपछि वरिष्ठ नेताका रूपमा एमालेको स्थायी कमिटी बैठकमा सहभागी भएकी हुन्।