३७ वर्षीय मध्यक्रमका बायाँहाते ब्याटरले दक्षिण अफ्रिकासँगै विश्वचर्चित फ्रेन्चाइज लिगहरूमा आफ्नो बलियो छाप छाडेका छन्।
भारतको इन्डियन प्रिमियर लिग, अस्ट्रेलियाको बिग बास लिग, पाकिस्तान प्रिमियर लिगसँगै थुप्रै लिग खेलेका छन्। उनले आइपिएलमा मात्रै दिल्ली क्यापिटल्स, राजस्थान रोयल्स, किंग्स ११ पञ्जाब र गुजरात टाइटन्सबाट खेलेका थिए। सन् २०२२ मा गुजरात टाइटन्सले ऐतिहासिक आइपिएल उपाधि जित्दा मिलर मुख्य खेलाडी थिए।
कर्णाली याक्स स्पोर्ट्सका अध्यक्ष गृहेन्द्र घिमिरेले मिलरको आगमनसँगै नेपालको पर्यटन प्रवर्द्धनमा योगदान पुग्ने बताएका छन्।
मिलरले दक्षिण अफ्रिकाबाट एक सय ४० टी–२० आईमा दुई हजार ८०४ रन बनाएका छन्। यसक्रममा उनले दुई शतक र नौ अर्धशतक प्रहार गरेका थिए। उनले आफ्नो करियरका दुई टी–२० शतक भारत र बंगलादेशविरुद्ध बनाएका थिए।
कात्तिक ९ गतेबाट सुरु भएको एनपिएलमा कर्णाली याक्सले तीन खेल खेलिसकेको छ। जसमध्ये दुई खेल जितेको छ। टोलीले पहिलो खेलमा जनकपुरलाई १९ रन र दोस्रो खेलमा विराटनगरलाई चार विकेटले पराजित गरेको थियो। तेस्रो खेलमा भने काठमाडौं गोर्खाजसँग चार विकेटले पराजित भएको थियो।