आशुतोष इनर्जीलाई आईपीओ निष्कासनको अनुमति, सर्वसाधारणका लागि १२ लाख कित्ता सेयर आउने

बोर्डको अनुमतिसँगै कम्पनीले सर्वसाधारणका लागि १२ लाख कित्ता सेयर निष्कासन गर्ने बाटो खुलेको छ। कम्पनीले प्रतिकित्ता १०० रुपैयाँ अंकित मूल्यमा सेयर बिक्री गर्नेछ।

कम्पनीको कुल जारी सेयरमध्ये २० प्रतिशत अर्थात् १२ लाख कित्ता सर्वसाधारण समूहका लागि छुट्याइएको छ। बाँकी ८० प्रतिशत अर्थात् ४८ लाख कित्ता सेयर संस्थापक समूहको स्वामित्वमा रहनेछ।

आशुतोष इनर्जीको आईपीओ निष्कासन तथा बिक्री व्यवस्थापनको जिम्मेवारी एनएमबी क्यापिटलले पाएको छ।

यसअघि बोर्डले एक दिन अगाडि मात्रै कान्तिपुर फर्मास्युटिकल्सलाई पनि आईपीओ निष्कासनका लागि अनुमति दिएको थियो।