काठमाडौं, ३० असोज। दसैंको बिदाअघि नेपाली बजारमा सुनचाँदीको मूल्य बढेको छ। शुक्रबार सुन तोलामा एक हजार सात सय रुपैयाँ र चाँदी ११५ रुपैयाँले बढेको छ।
नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला दुई लाख ९० हजार एक सय रुपैयाँ कायम भएको छ। बिहीबार सुन प्रतितोला दुई लाख ८८ हजार चार सय रुपैयाँमा कारोबार भएको थियो।
आइतबारदेखि बिहीबारसम्म लगातार घटेको सुनको मूल्य शुक्रबार भने बढेको हो।
चाँदीको मूल्य पनि शुक्रबार तोलामा ११५ रुपैयाँले बढेको छ। अघिल्लो दिन प्रतितोला चार हजार ३५ रुपैयाँमा कारोबार भएको चाँदीको मूल्य शुक्रबार बढेर चार हजार १५० रुपैयाँ कायम भएको महासंघले जनाएको छ।