काठमाडौं । नेपाली कांग्रेसको गगन थापा नेतृत्वको कार्यसमितिलाई अस्वीकार गर्दै आएको शेरबहादुर देउवा पक्षले गण्डकी प्रदेशमा समानान्तर अधिवेशन गर्ने भएको छ ।
पोखरास्थित पोखरा सभागृहमा मंसिर ५ र ६ गते प्रदेश अधिवेशन आयोजना गर्ने तय भएको छ । अधिवेशनको उद्घाटन कांग्रेसका पूर्वसभापति तथा पूर्वप्रधानमन्त्री शेरबहादुर देउवाले गर्ने कार्यक्रम रहेको छ ।
गगन थापा नेतृत्वको कार्यसमितिलाई मान्यता नदिएको देउवा पक्षले विभिन्न प्रदेश तथा जिल्लामा समानान्तर अधिवेशनको तयारीलाई तीव्रता दिएको छ ।
यसैबीच, देउवा पक्षको महाधिवेशन मंसिर २१ गतेदेखि काठमाडौंमा सुरु हुने कार्यक्रम रहेको छ ।