एजेन्सी । दक्षिण लेबनानको नबातिह शहरमा इजरायली ड्रोनले मोटरसाइकललाई निशाना बनाएर गरेको आक्रमणमा दुई युवाको मृत्यु भएको छ ।
लेबनानको राष्ट्रिय समाचार एजेन्सी (एनएनए) का अनुसार दिउँसो मोटरसाइकलमा सवार युवामाथि ड्रोनबाट प्रहार गरिएको थियो । घटनास्थल पुगेका उद्धार टोलीले दुवैको शव अस्पताल पु¥याएका छन् भने आक्रमणपछि मोटरसाइकलमा लागेको आगो अग्निनियन्त्रकहरूले नियन्त्रणमा लिएका थिए ।
यसैबीच, दक्षिण लेबनानका बाराचित, बेत याहुन र मन्सौरी क्षेत्रमा समेत इजरायली सेनाले विस्फोट गराएको एनएनएले जनाएको छ । बानी हयान क्षेत्रमा तोपबारीसमेत भएको बताइएको छ । यी घटनामा थप मानवीय क्षतिको विवरण भने सार्वजनिक भएको छैन ।
लेबनान र इजरायलबीच सीमा सुरक्षा तथा गत जुनमा भएको रूपरेखा सम्झौताको कार्यान्वयनबारे अगस्टमा रोममा सातौँ चरणको वार्ता भएको थियो । कूटनीतिक प्रयास जारी रहे पनि सीमा क्षेत्रमा पुनः हिंसात्मक गतिविधि बढेको देखिएको छ ।