रसुवा । रसुवाको आमाछोदिङ्मो गाउँपालिका–३, गत्लाङकी २९ वर्षीया फुर्पु यामो तामाङ र उनका नवजात शिशुको थप उपचारका लागि हवाई उद्धार गरिएको छ।
गत्लाङ स्वास्थ्य चौकीमा प्रसूति गराएकी तामाङ र नवजात शिशुमा स्वास्थ्यसम्बन्धी जटिलता देखिएपछि स्थानीय स्वास्थ्य संस्थाबाट थप उपचारका लागि काठमाडौं ल्याइएको हो।
हेलिकोप्टरमार्फत उद्धार गरिएका आमा र शिशुलाई काठमाडौंस्थित परोपकार प्रसूति तथा स्त्रीरोग अस्पतालमा उपचारका लागि लगिएको बताइएको छ। प्रारम्भिक उपचारपछि थप विशेषज्ञ सेवा आवश्यक देखिएपछि उनीहरूलाई राजधानी ल्याइएको हो।