काठमाडौं । नेपाली कांग्रेसको अनुशासन समितिका संयोजक तथा पूर्वराज्यमन्त्री तारामान गुरुङ बैंकिङ कसुरसम्बन्धी मुद्दामा आठ दिन हिरासतमा बसेपछि रिहा भएका छन्।
गुरुङलाई काठमाडौंस्थित जिल्ला प्रहरी परिसर, भद्रकालीले गत १८ भदौमा पक्राउ गरेको थियो। उनीविरुद्ध तीन जना फरक व्यक्तिले उजुरी दिएका थिए।
काठमाडौं प्रहरी परिसरका एसएसपी दिलीप घिमिरेका अनुसार गुरुङले उजुरीकर्तालाई रकम भुक्तानी गरेपछि उनलाई हिरासतबाट मुक्त गरिएको हो।
बैंकिङ कसुरसम्बन्धी उजुरीका आधारमा अनुसन्धानका क्रममा पक्राउ परेका गुरुङले सम्बन्धित पक्षलाई रकम बुझाएपछि रिहा भएको प्रहरीले जनाएको छ।