काठमाडौं । जापानमा आयोजना हुने आगामी एसियन गेम्सका लागि नेपालले १५ सदस्यीय पुरुष क्रिकेट टोली घोषणा गरेको छ। नेपाल ओलम्पिक कमिटीले आइतबार दीपेन्द्रसिंह ऐरीको नेतृत्वमा अन्तिम टोली सार्वजनिक गरेको हो।
टोलीमा कप्तान दीपेन्द्रसहित रोहितकुमार पौडेल, सोमपाल कामी, करण केसी, सन्दीप लामिछाने, आरिफ शेख, आसिफ शेख, कुशल भुर्तेल, ललित राजवंशी, गुल्सनकुमार झा, नन्दन यादव, लोकेश बम, सन्दीप जोरा, शेर मल्ल र कुशल मल्ल रहेका छन्।
एसियन गेम्सको क्रिकेट प्रतियोगितामा नेपालले अफगानिस्तान र आयोजक जापानसँग प्रतिस्पर्धा गर्नेछ।
नेपाली टोलीको टिम लिडरमा विनोद दास छन्। मुख्य प्रशिक्षकको जिम्मेवारी स्टुअर्ट लले सम्हाल्नेछन् भने अब्दुर सतार प्रशिक्षकका रूपमा टोलीमा रहनेछन्। मेडिकल टिममा लोकेन्द्र कुँवर र प्राविधिक पक्षमा रमन शिवाकोटी रहेका छन्।