काठमाडौँ । सरकारले भोटेकोशी बाढीबाट घाइते भएकाहरूको निःशुल्क उपचार गर्ने निर्णय गरेको छ।
बुधबार बसेको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता तथा शिक्षामन्त्री सस्मित पोखरेलले घाइतेहरूको निःशुल्क उपचारको व्यवस्था मिलाइएको बताएका छन्।
मन्त्री पोखरेलका अनुसार घाइतेहरूको निःशुल्क स्वास्थ्य उपचारका लागि स्वास्थ्य मन्त्रालय, नेपाली सेना तथा सरकारी अस्पताललाई आवश्यक व्यवस्था मिलाउन भनिएको छ।
त्यस्तै, बाढीका कारण घाइते तथा बिचल्लीमा परेकाहरूलाई तत्काल उद्धार गरी सुरक्षित स्थानमा सार्न गृह मन्त्रालयलाई निर्देशन दिइएको छ।
उद्धारका लागि नेपाली सेना तथा निजी क्षेत्रका हेलिकप्टरसमेत परिचालन गर्ने निर्णय सरकारले गरेको मन्त्री पोखरेलले बताएका छन्।