कञ्चनपुर । सशस्त्र प्रहरीले भारतबाट भन्सार प्रक्रिया पूरा नगरी नेपाल भित्र्याइएका करिब ३ लाख ८० हजार रुपैयाँ मूल्यका विभिन्न सामान बरामद गरेको छ।
सशस्त्र प्रहरी बल, नेपाल बीओपी जिमुवाबाट खटिएको टोलीले भीमदत्त नगरपालिका–१०, तिलाचौर क्षेत्रबाट ती सामान नियन्त्रणमा लिएको हो।
भारतबाट भन्सार छली गरेर अवैध रूपमा नेपाल ल्याइएका इलेक्ट्रोनिक सामग्री, मोबाइलका कभर तथा ग्लास, बीउबिजन र विभिन्न किराना सामान बेवारिसे अवस्थामा फेला परेको सशस्त्र प्रहरीले जनाएको छ।
बरामद गरिएका सामानको भन्सार मूल्य ३ लाख ७९ हजार ७८० रुपैयाँ रहेको बताइएको छ। नियन्त्रणमा लिइएका सबै सामान आवश्यक कारबाहीका लागि कञ्चनपुर भन्सार कार्यालय, गड्डाचौकीमा बुझाइएको सशस्त्र प्रहरीले जानकारी दिएको छ।