काठमाडौं । टर्कीका राष्ट्रपति रेचेप तैयप एर्दोगानले टर्कीले शाङ्घाई सहयोग संगठनसँगको सम्बन्धलाई निरन्तर रूपमा विस्तार गर्दै लैजाने बताउनुभएको छ । एर्दोगानले टर्की शाङ्घाई सहयोग संगठनको संवाद साझेदार रहेको उल्लेख गर्दै पछिल्ला वर्षहरूमा संगठनसँग टर्कीको सम्बन्ध थप घनिष्ठ बन्दै गएको बताउनु भयो । एर्दोगानले शाङ्घाई सहयोग संगठनका सदस्य राष्ट्रहरूले विश्वको जनसंख्या तथा आर्थिक उत्पादनको ठूलो हिस्सा ओगटेको उल्लेख गर्दै संगठनमा उल्लेखनीय सम्भावना रहेको बताउनु भयो ।
उहाँकाअनुसार, किर्गिस्तानको राजधानी बिश्केकमा सेप्टेम्बर १ मा आयोजित शाङ्घाई सहयोग संगठन प्लस बैठकमा उनले संगठनका सदस्य राष्ट्रहरूसँग टर्कीको व्यापार बढाउने प्रतिवद्धता पुनः व्यक्त गर्नुभएको थियो । बैठकमा बहुध्रुवीय विश्व व्यवस्थाको विकासमा शाङ्घाई सहयोग संगठनले पु¥याउन सक्ने योगदानबारे समेत छलफल भएको एर्दोगानले बताउनु भयो ।
टर्कीले पछिल्ला वर्षहरूमा चीन, रुस तथा मध्य एसियाली राष्ट्रहरूसँग आर्थिक तथा कुटनीतिक सम्बन्ध विस्तार गर्दै आएको छ । एर्दोगानको पछिल्लो भनाइले शाङ्घाई सहयोग संगठनसँगको सहकार्यलाई टर्कीले थप प्राथमिकता दिन खोजेको संकेत गरेको छ ।