सत्तारुढ दल राष्ट्रिय स्वतन्त्र पार्टी (रास्वपा)का सांसद यज्ञमणि न्यौपानेले राजदूत नियुक्तिमा भइरहेको ढिलाइप्रति सरकारको ध्यानाकर्षण गराएका छन्।
बुधवार प्रतिनिधिसभाको बैठकमा बोल्दै उनले राजदूतको पद खाली राखेर नेपालको कूटनीति बलियो हुन नसक्ने बताए। योग्यता, क्षमता र विज्ञता भएका इच्छुक नेपाली नागरिक प्रशस्तै भए पनि राजदूत नियुक्ति रोकिएको भन्दै उनले प्रश्न उठाए।
प्रधानमन्त्री बालेन्द्र साह संयुक्त राष्ट्रसंघको महासभामा सहभागी हुन अमेरिका जान लागेको अवस्थामा अमेरिकामै नेपालको राजदूत नरहनु विडम्बनापूर्ण भएको उनले बताए। रिक्त रहेका कूटनीतिक नियोगलाई नेतृत्वविहीन नराखी तत्काल राजदूत नियुक्त गर्न उनले सरकारसँग माग गरे।
न्यौपानेले नेपालको परराष्ट्र नीति कर्मचारीको भरमा मात्र नछोड्न पनि सरकारको ध्यानाकर्षण गराए।