गण्डकी प्रदेशका पूर्वमन्त्री राजीव गुरुङ, जसलाई ‘दीपक मनाङे’का नामले चिनिन्छ, नेपाली कांग्रेसको संस्थापन इतर समूहसँग जोडिएका छन्।
मंगलबार आयोजित कार्यक्रममा कांग्रेस नेता डा. शशांक कोइरालाले गुरुङलाई समूहमा स्वागत गरेका हुन्। कोइरालाको सचिवालयका अनुसार आगामी १५औँ महाधिवेशनको तयारीका क्रममा गुरुङलाई मनाङ जिल्लाको संयोजकको जिम्मेवारीसमेत दिइएको छ।
महाधिवेशन तयारीका गतिविधिलाई जिल्लास्तरसम्म विस्तार गर्ने क्रममा उनलाई उक्त जिम्मेवारी प्रदान गरिएको सचिवालयले जनाएको छ।