नेपाल स्टक एक्सचेन्ज (नेप्से) परिसूचक ३३.२९ अंक बढेर २६६४.०६ विन्दुमा पुगेको छ । सेन्सेटिभ इन्डेक्स ६.३२ अंक, फ्लोट इन्डेक्स २.६२ अंक र सेन्सेटिभ फ्लोट इन्डेक्स २.३९ अंक बढेको छ ।
आज १३ मध्ये १२ उपसमूहको परिसूचक बढेको छ । जलविद्युत् उपसमूहको परिसूचक २.०६ प्रतिशत बढेको छ । बैंकिङ, विकास बैंक, वित्त, होटल तथा पर्यटन, लगानी र जीवन बीमा उपसमूहको परिसूचक १ प्रतिशतभन्दा बढी बढेको छ ।
नेप्सेसँगै आज कारोबार रकम पनि बढेको छ । मंगलबार पाँच अर्ब ७९ करोड रुपैयाँबराबरको सेयर कारोबार भएको थियो । आज सात अर्ब ४५ करोड ८६ लाख ७७ हजार रुपैयाँबराबरको एक करोड ९३ लाख ९७ हजार कित्ता सेयर खरिदबिक्री भएको छ ।
आज लिबर्टी इनर्जी कम्पनीको ३२ करोड ५० लाख रुपैयाँबराबरको सेयर किनबेच भएको छ । घलेम्दी हाइड्रोको २८ करोड रुपैयाँ र बुटवल पावर कम्पनीको करिब साढे २६ करोड रुपैयाँको सेयर कारोबार भएको छ ।
आज बेनी हाइड्रोपावरको सेयर सकारात्मक सर्किट लेभलमा कारोबार भएको छ । सो कम्पनीको सेयरमूल्य ७० रुपैयाँ बढेर ५३६ रुपैयाँ ७० पैसामा अन्तिम कारोबार भएको छ ।
बुटवल पावर कम्पनीको सेयरमूल्य साढे १० प्रतिशतभन्दा बढी बढेको छ । सुपर खुदी हाइड्रोपावर र एनआरएन इन्फ्रास्ट्रक्चर एन्ड डेभलपमेन्टको सेयरमूल्य ६ प्रतिशतभन्दा बढी बढेको छ ।