असोज, २५ मुगु । नेपाली कांग्रेस मुगुको देउवा समूहको जिल्ला अधिवेशनबाट युवा नेता तिलकबहादुर मल्ल सभापतिमा निर्विरोध निर्वाचित भएका छन्।
हालै सम्पन्न जिल्ला अधिवेशनबाट उनी सर्वसम्मत जिल्ला सभापतिमा निर्वाचित भएका हुन्। सभापति मल्लको नेतृत्वमा २७ सदस्यीय जिल्ला कार्यसमिति चयन गरिएको छ।
उपसभापतिमा रमेशकुमार मल्ल र रामबहादुर रावत चयन भएका छन्। यस्तै, सचिवमा हरिकुमार रावल र कुवेरजङ्ग शाही निर्वाचित भएको निर्वाचन तयारी समितिले जनाएको छ। सहसचिवमा शैलेन्द्र मल्ल र जङ्ग ऐडी चयन भएका जिल्ला निर्वाचन अधिकृत रुद्र पाठकले बताए। उनका अनुसार नेपाली कांग्रेसको १५औँ नियमित महाधिवेशन तथा नवौँ जिल्ला अधिवेशनबाट तिलकबहादुर मल्ल निर्विरोध निर्वाचित भएका हुन्।
उनीसहित अन्य सदस्यहरू पनि निर्वाचित भएका छन्। यससँगै नियमित महाधिवेशनअन्तर्गत प्रदेश ‘क’ बाट सभापतिमा जयबहादुर रोकाया र प्रदेश ‘ख’ बाट ऐनबहादुर शाही निर्विरोध निर्वाचित भएका छन्।
यस्तै, मुगुका चारवटै पालिकाका सभापति पनि निर्वाचित भएका छन्। जसमा छायानाथ रारा नगरपालिकामा दीपबहादुर बुढा, कार्मारोङ गाउँपालिकामा पासाङ तामाङ, खत्याड गाउँपालिकामा खड्ग खत्री र सोरु गाउँपालिकामा सूर्यबहादुर बम पालिका सभापतिमा निर्वाचित भएका छन्।देउवा समूहले कर्णालीका हिमाली जिल्लाहरूमा जिल्ला अधिवेशन सम्पन्न गरिसकेको छ।
कांग्रेसको देउवा समूहले हुम्लामा सूर्यबहादुर शाही र जुम्लामा नेत्रकला शाहीलाई जिल्ला सभापतिमा चयन गरेको शाहीले बताए।