काठमाडौं, २० कात्तिक । नेपाल प्रिमियर लिग तेस्रो सिजनअन्तर्गत शुक्रबारको पहिलो खेलमा कर्णाली याक्स सुदूरपश्चिम रोयल्ससँग ३९ रनले पराजित भएको छ।
त्यसअघि कीर्तिपुरस्थित टीयू अन्तर्राष्ट्रिय मैदानमा टस हारेर पहिले ब्याटिङमा ओर्लिएको सुदूरपश्चिमले २० ओभरमा ६ विकेटको क्षतिमा १७६ रन बनाएको थियो। जवाफी ब्याटिङमा ओर्लिएको कर्णालीका डेभिड मिलरको विस्फोटक अविजित ९३ रनको इनिङ्स खेर गएको छ।
कर्णाली याक्सले २० ओभरमा सात विकेटको क्षतिमा मात्र १३७ रन बनाउन सक्यो। मिलरले उत्कृष्ट ब्याटिङ गर्दै ५५ बल खेल्दै ५ चौका र ७ छक्काको मद्दतमा अविजित ९३ रन बनाए।
बलिङमा सुदूरपश्चिमका लागि स्कट कुगेलेइनले २ तथा हेमन्त धामी, अनिल खरेल, कप्तान दीपेन्द्रसिंह ऐरी, थरिन्दु रत्नायके र अभिनाश बोहराले १–१ विकेट लिए।
आजको खेलमा कर्णाली याक्सलाई पराजित गरेसँगै पाँच खेलमा ६ अंकका साथ सुदूरपश्चिम दोस्रो स्थानमा उक्लिएको छ।